Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Laco u tarquín[1] (de l'arabe < tarkim) ye un sedimento con abundant materia organica floculada que se fa en auguas estancadas. Ye pareixiu a lo buro y tien una consistencia semisolida, semiliquida u caldosa, pero ye mes denso[2] y se percibe como un porquería.[3] Puestos tipicos a on se fa son auguas repuyals con muita materia organica u afectadas por eutrofización. En as depuradoras se fan lacos en o mesmo proceso de depuración. A denominación de laco puet fer-se extensiva a lo fiemo cuan ye denso y semiliquido.[2]
D'alcuerdo con l'ALEANR a parola tarquín gosa referir-se a este sedimento putient en Tierra Plana y Sistema Iberico oriental pero no en a part oriental de l'Alto Aragón.[4]
A vegadas este sedimento recibe a denominación en conchunto con l'augua a on se troba. L'ALEANR documenta agua corrompida, agua pudrida y agua podrida en l'Alto Aragón aragonesofono pa esta accepción y aigua dolenta, aigua corrumpuda, aigua pudenta y aigua podrida en catalán d'Aragón.
© MMXXIII Rich X Search. We shall prevail. All rights reserved. Rich X Search